LAOAG CITY – Umabot iti 11 nga indibidual ti natay kalpasan ti insidente ti pammaltog iti Durban City idiay South Africa.
Segun kadagiti otoridad, sinnerek dagiti tallo a lallaki nga armado ti paltog ti maysa a pagtaengan bayat ti maysa a panagtitipon.
Iti iseserrek dagiti tallo nga indibidual ket ditoyen a nagpaputok dagiti suspek kadagiti indibidual nga adda iti uneg ti pagtaengan.
Gapu iti insidente, insigida a natay ti 10 a biktima bayat ti maysa pay ket naitaray pay laeng iti ospital ngem kalpasan laeng ti sumagmamano a minutos ket naideklarar daytoy nga awan ti biagnan.
Kabayatanna, agtultuloy ti panangbirok dagiti otoridad kadagiti suspek bayat ti panangiwayatda ti imbestigasion pakaseknan ti motibo ti nasao a pammaltog.
