LAOAG CITY – Suportaran ti Philippine National Police iti nailungalong a maipababa ti tawen ti criminal liability iti pagilian kalpasan nga umad-ado dagiti agtutubo a mairamraman iti nagduduma a krimen.
Daytoy ti inrakurak ni Philippine National Police spokesperson Col. Allen Rae Co.
Inbatad pay ni Co a pabor ti nailian a pulisya a maipababa ti tawen ti criminal liability iti 12.
Iti pagilian, 15 ti minimum a tawen ti criminal liability, isut gapuna a dagiti agtawen ti 15 ken maysa nga aldaw a pangato nga addaan ti “discernment” ket mabalin a maipasidong iti maiyannatop a court proceedings.
