LAOAG CITY – Naikkan ti namnama ti Team Croatia kalpasan a nangabak iti laban da kontra iti Panama.
Sakbay iti daytoy, agpada a napaay ti dua a grupo kadagiti immuna a laban da iti group stage.
Iti panagsango ti dua a grupo iti Toronto Stadium, nagbalin a pisikalan ti laban a nagresulta iti panangiparuk-at ti referee ti yellow card para iti agsumbangir a team.
Nagtultuloy met ti naiget a laban agingga a nalpas ti first half nga agpada nga awan ti iskor ti Croatia ken Panama.
Iti iseserrek ti halftime, nangiyuswat ti substitution ti Croatia ken inserrek da ni Ante Budimir kas striker.
Apaman a nadanun ti maika-54 a minuto, naaramid ni Budimir a nangsippaw iti maysa a napintas a low cross manipod iti teammate a ni Josip Stanišić, manipod iti likud ti depensa ti Panama.
Dagus a kinugtaran na ti napigsa ken naan-anay a simrek iti goal ti kalaban a nakagun-odan da ti iskor a 1-0.
Saanen a nakainayun ti goal ti dua a team ken nagleppas ti ay-ayam iti iskor a 1-0.
