LAOAG CITY – Idadauloan da Kylian Mbappe ti France ken Lionnel Messi ti Argentina ti Golden Boot goal wenno kaadoan a naiserrek a bola iti buo a FIFA World Cup 2026.
Naitabla ni Kylian Mbappe ti 8 a nai-rekord a goal ni Messi kalpasan a ninayunan na daytoy ti maysa a goal iti naudi a labanda kontra iti Morocco.
Iti agdama, ti team ni Mbappe ti immuna a nakastrek iti semi final round ken manamnama a sangoenda ti team a managabak itinagbaetan ti Spain ken Belgium.
Kabayatanna, mai-katlo iti Golden Boot Tracker ni Erling Haaland ti Norway nga addaan ti 7 a goals, a sinaruno met ni Harry Kane ti England a nakaiserrek ti 6 a goal ken idinto a ni Ousmane Dembele met ti maika-5 nga addan ti nairekordna a 5 nga iskor.
