LAOAG CITY – Balligi ti kampania ti Canada iti FIFA World Cup 2026 kalpasan nga inabakna ti South Africa, 1-0 iti Round of 32 ken maala ti puesto iti Round of 16.
Indauloan para iti Canada ni Stephen Eustaquio a nakairekord ti game-winning goal iti injury time ti laban tapno buraken ti natibker a depensa ti South Africa ken iduron ti koponanna iti sumaruno a tukad ti torneo.
Nagbalin a naiget ti panagbinnalubal ti dua a koponan nga agpada nga agkalkalikagum ti kaunaan a balligi iti knockout stage ti FIFA World Cup.
Nupay kasta, nangabak ti Canada kadagiti maudi a paset ti laban tapno maliklikan ti extra time ken magun-od ti balligi.
Gapu iti panangabak, sangoen ti Canada iti Round of 16 ti mangabak ti laban ti Netherlands ken Morocco iti Houston.
Kabayatanna, naglippasen ti kampania ti South Africa iti torneo kalpasan ti naisangsangayan a pannakastrekna iti knockout stage.
