LAOAG CITY – Inpasigurado ti Malacañang nga agtultuloy ti operasion ken dagiti programa ti gobierno iti baet ti impeachment proceedings kontra ken ni Vice President Sara Duterte.
Inbatad ni Palace Press Officer Undersecretary Claire Castro a saanda nga ipalubos a maitantan dagiti serbisio publiko gapu laeng kadagiti isyu wenno pananggandat a lappedan ti trabaho ti administrasion.
Inpetteng ti Palasyo nga adda ti responsibilidad ti Senado kas impeachment court ken agpanpanday linteg isut gapuna a mangnamnama daytoy a maitultuloy ti proseso nga awan ti panag-boycott kadagiti sesyon.
Iti maipapan iti panaggudua ti publiko, kuna ni Castro a ti transparency ken accountability ket para kadagiti umili.
Innayonna a ti fake news ken panagilemmeng kadagiti ebidensia ti mangdegdegdeg ti susik idinto ti kinapudno ti tulbek iti pundo a panagkaykaysa.
