LAOAG CITY – Nakaawat ti cash assistance dagiti 211 a mangngalap iti siudad ti Laoag iti babaen ti Presidential Assistance to Farmers and Fisherfolk Program (PAFFP).
Ti pannakaibunong dagitoy ket inyuswat ti Bureau of Fisheries and Aquatic Resources (BFAR), Provincial Agriculture Office (PAO) ken Laoag City Government -Office of the City Agriculturist.
Daytoy a programa ket kas panangbigbig ken suporta ti gobierno kadagiti mangngalap kangrunaan ita a gundaway a panagngato ti presio dagiti mausar a materiales iti panagkalap.
