LAOAG CITY – Inbilin ni Presidente Ferdinand Marcos Jr. ti al-alisto a pannakaipasdek ti National Kidney and Transplant Institute’s (NKTI) Legacy Building idiay Quezon City.
Inbatadna a daytoy a proyekto ket napateg tapno masolbar ti ngumatngato a bilang dagiti Pilipino a makapaspasar iti chronic kidney disease (CKD).
Inparuk-at ti Presidente ti pammilinna kabayatan ti pannakaiwayat ti inspeksion iti agtultuloy a pannakaipasdek ti proyekto.
Inpettengna a masapul a palawaen ti gobierno ti dialysis capacity ti pagilian tapno masolbar ti dumakdakkel a demand.
Ti proyekto ket paset ti Legacy Hospitals Program ti administrasion.
Ti 13-story Legacy Building ket addaan ti 200 state-of-the-art dialysis machines ken naidisenio tapno agserbi kas one-stop healthcare facility nga addaan ti Malasakit Center, operating rooms, pharmacy ken training facilities para iti healthcare professionals.
