LAOAG CITY – Naarestar ti maysa a construction worker iti naiwayat a buy-bust operation iti Barangay Bengcag ditoy siudad ti Laoag.
Nabigbig ti suspek a ni Jessie Acosta ken residente iti nasao a barangay.
Natiliw ti suspek kalpasan a naglako ti maysa nga heat sealed transparent plastic sachet a naglaon ti maipagarup a shabu iti police poseur-buyer nga agbalor ti maysa ribu a pisos.
Malaksid iti daytoy, nakumpiskar pay manipud iti bulsa ti short ti suspek ti uppat nga heat sealed transparent plastic sachet a naglaon ti maatap a shabu.
Rumrummuar a nabayagen nga imon-monitor dagiti otoridad ken dagiti opisial ti barangay ti nasao a suspek gapu iti maipagarup nga iligal nga aktibidad nga ar-aramidenna.
Kabayatanna, naiget a naglikudan ti suspek a kukuana dagiti kontrabando a naala kontra kenkuana no sadinno nga inpettengna nga inpabulsada laeng dagiti ebidensia.
