LAOAG CITY – Pimmusay ti saan a bumaba ti 14 nga ubbing bayat a lima ti nasugatan kalpasan a nagtupak ti galba ti maysa a tutoring center iti probinsia ti Lahore, idiay Pakistan.
Kinumpirmaran ti opisial iti probinsia ti bilang dagiti nasugatan ken maysa met a mangisursuro ti nasugatan.
Naamoan nga adda iti agtawen 4 agingga 12 a tawen dagiti biktima nupay agtultuloy met ti pannakataming dagiti nasugatan iti balay pagagasan.
Mainaig iti daytoy, dua nga indibidual ti inarestar dagiti otoridad mainaig ti insidente no sadinno nga agtultuloy pay ti imbestigasion iti napasamak a trahedia.
Nakipagladingit met ni Pakistan Prime Minister Shehbaz Sharif kadagiti pamilia ti biktima ken nagbilin daytoy ti insigida a pannakaipaay ti tulong medical kadagiti nasugatan.
Kabayatanna, naamoan a gagangay ti panagtupak dagiti galba gapu iti nakapuy a safety standards ken substandard a materiales.
