LAOAG CITY – Napaltogan ti dua nga Iran Revolutionary Guard iti pagtaenganda idiay Western City ti Paveh nga asideg ti boarder ti Iraq Kurdistan region.
Basar ti imbestigasion, awan pay ti nalawag a suspek iti likod ti pammaltog ngem itudtudo ti Tehran iti kinaranggas nga iyususwat ti Kurdish separatist groups iti lugar no sadinno a maak-akusaran dagitoy nga adda ti pakainaiganna iti Estados Unidos ken Israel.
Ti dua nga Iran Revolutionary Guard ket napapatay iti naranggas ken saan a makatao bayat a ti dua pay a guwardiya ket nasugatan met.
Kabayatanna, manarimaan ti imbestigasion maianiag iti umno a napasamak no sinno ti adda ti likodan ti pammaltog.
