LAOAG CITY – Inbatad ti Department of Economy, Planning, and Development (DEPDev) a nagbalinen a middle-income economy ti pagilian kalpasan nga inngato ti World Bank ti income classification ti pagilian.
Basar iti World Bank para iti fiscal ti tawen 2026 a nangrugi idi Hulio 1 ket naibilang iti middle -income econoies dagiti agilian nga addaan ti Gross National Income (GNI) per capita nga adda iti nagbaetan ti $4,496 at $13,935 a naabot met ti pagilian ti antas kalpasan na nakaitala daytoy ti $4,470 a Gross National Income per capita idi tawen 2024.
Mainaig iti daytoy, naragsak nga inawat ni Finance Secretary Frederick Go ti pammigbig a baro a klasipikasion a segun kenkuana ket resulta daytoy ti reporma nga ipatpatungpal ti gobierno.
Segun ken ni Go ket masapol nga itultuloy ti gobierno dagiti reporma tapno adado pay a Pilipino ti makinabang iti panagdur-as ti ekonomia.
Innayonna pay a a ti baro a klasipikasion ket nakaibasar iti panagngato ti wealth per capita ti pagilian a resulta ti panagpaado ti trabaho, panagserrek ti ado foreign investments ken ti agtultuloy a pannnakaipatungpal kadagiti reporma.
