LAOAG CITY – Nagpanawagan ti Association of Southeast Asian Nations wenno ASEAN iti ad-adu pay nga investment iti clean energy, digital infrastructure ken resilient supply chains kabayatan ti rugi ti panangimplementar ti long-term development agenda babaen ti ASEAN Community Vision 2045, basar iti Department of Economy, Planning, and Development (DEPDev).
Maysa kadagiti natalantan iti Second Meeting iti ASEAN Committee on Sustainable Infrastructure (ACSI) 2026 ket ti ASEAN Infrastructure Pipeline, maysa a rolling regional mechanism tapno maamoan dagiti priority projects a mangpatibker ti relasion iti ASEAN member states.
Basar iti Department of Economy, Planning, and Development (DEPDev) a dagiti update mainaig iti infrastructure pipeline ket mangisarming iti panagdur-as ti regional priorities pakairamanan ti sustainability, energy transition, digitalization, inclusion ken supply-chain resilience.
Inusig dagiti delegates dagiti efforts tapno mapalawa dagiti financing opportunites ken makaallukoy ti dakdakkel nga investor interest iti sustainable infrastructure projects.
Natalantan pay dagiti inisiatibo babaen ti ASEAN Sustainable Infrastructure Action Plan (SIAP) 2026-2030 pakairamanan ti proyekto ti development support, assessments ti infrastructure financing options ken training programs tapno matulungan dagiti miembro a pagilian ti panagsagana ken panangimplementar dagiti proyekto ti imprastraktura.
