LAOAG CITY – Nangipatungpal ti large-scale missile ken drone strikes ti Russia iti kabisera ti Ukraine a Kyiv a nakatayan ti saan a nababbaba ngem 13 a tattao.
Naibakwit met ti sumagmamano a residente iti baet dagiti panagbomba kadagiti pasdek iti kabisera, sumagmamano nga oras kalpasan a nagballaag ni Ukraine President Volodymyr Zelensky nga agsagsagana ti Russia para iti nalawa a panagatake.
Naamoan a karaman kadagiti nairekord a casualties ket dagiti ubbing, maibasar iti mangidadaulo ti military administration ti Kyiv.
Kunana a punpuntiryaen manen ti kalaban da ti residential areas ket patpatayen da dagiti sibilyan.
Inadmitir met ti Russian Ministry of Defense ti panangpuntirya da iti energy facilities kas panagibales iti inpatungpal nga strikes ti Ukraine iti kallabes.
