LAOAG CITY – Agtultuloy a supsuportaran ti Securities and Exchange Commission (SEC) dagiti micro, small and medium enterprises (MSMEs) a pangatuen ti pondoda babaen ti capital market discounted filing fees nga agpatingga inton malpas ti tawen 2026.
Mainaig iti daytoy, nangiparuk-at ti nadakamat nga ahensia ti addang nga SEC Memorandum Circular No. 19, Series of 2026 a mangi-extend ti manarimaan a Discounted Fees for registration of securities para iti panagparehistro dagiti MSMEs.
Ti nadakamat nga addang ket mangted ti 50 percent discount bayat ti panaagparehistro dagiti micro, small and medium enterprises .
Ma-cover ti nasao a discounted registration of securities dagiti nagduduma a korporasion a para iti publiko, a pakairamanan dagiti distribution utility companies, real estate developers wenno managers nga adda pakainanganna iti rental pool deals, agri-business firms ken dagiti ospital.
Kabayatanna, basar iti Securities and Exchange Commission ket ummaboten ti P139.6 million a discounts para kadagiti MSMEs ti naiteddan manipud idi nagkissayda ti rate a nangrugi a naipatungpal idi Hulio 16 idi napalabes a tawen.
