LAOAG CITY – Immaboten iti 2,025 nga indibidual ti natay iti France mainaig iti mapaspasaranda a heatwave iti Europa manipud idi naudi a lawas ti bulan ti Hunio.
Inbatad ti public health officials iti France a 30 a porsiento daytoy a nangatngato no ikumpara kadagiti naglabas a lawas.
Basar ken ni French Health Minister Stéphanie Rist, nakadkadlaw ti panagngato ti bilang dagiti pimmusay mainaig iti heatwave nga agtawen 45 agpangato.
Inpettengna nga idi Hunio 24 ket nai-rekord ti France ti kangatuan a temperatura ti pagilianda no sadinno ket immabot iti 41 degrees Celcius ti kinapudot iti Paris a rason ti pannakaisidong iti red alert status ti gudua ti pagilianda.
Gapo iti daytoy, manamnama nga umabot manen ti 40 degrees Celcius ti kinapudot iti abagatan a paset ti France bayat ti panagiparuk-at ti gobiernoda iti red alert status gapo iti pangta ti forst fires.
Kabayatanna, basar iti datos, 7,000 a puor ti nairekord manipud idi nangrugi ti panagpupudot a nangdadael iti sumurok-kumurang 8,700 nga ektarya a daga iti pagilian a France.
