LAOAG CITY – Naiparuk-at ti P9.88 milyon a sueldo ti Department of Labor and Employment (DOLE) para iti 1,040 a mangngalap iti babaen ti programa a TUPAD Tuloy Pamalakaya iti General Santos Fish Port Complex.
Kabinnulig ti Department of Labor and Employment ti Bureau of Fisheries and Aquatic Resources wenno BFAR Region XII ken ti Philippine Fisheries Development Authority.
Paset ti tulong iti panangikagumaan ti administrasion Marcos Jr. tapno maprotektaran ti pagsapulan dagiti mangngalap nangruna kadagiti naapektaran ti energy emergency ken ti magnitude 7.8 a gingined a timmama iti sumagmamano a paset ti General Santos City ken probinsia ti Sarangani.
Inbatad ni Labor Secretary Francis Tolentino a mangipakpakita ti programa ti kinasagana ti gobierno a mangipaay ti alisto a tulong kadagiti vulnerable a mangmangged iti babaen ti emergency employment.
