LAOAG CITY – Binabalaw ni Presidente Ferdinand Marcos Jr. ni dati a Presidente Rodrigo Duterte para iti pannakapaayna a solbaren ti anomalia ti flood control projects bayat ti terminona no sadinno a pinanawanna ti administrasion iti dakkel a corruption scandal.
Iti maysa a rakurak, sinungbatan ni Marcos dagiti pammabalaw iti maipagarup a nakapuy wenno nabayag nga pannakaimbestigar ken selective justice iti likudan ti dakkel a corruption scandal.
Kuna ni Marcos a no saanna pay nga inbutaktak ti multibillion-peso scheme kadagiti nagbaetan ti kontraktors ken dadduma pay nga agpampanday linteg ken kasta payen dagiti opisial ti Department of Public Works and Highways (DPWH) ket saan pay a maduktalan.
Kabayatanna, binabalaw ni Presidente Marcos ni Duterte gapu iti awan naubraanna mainaig iti ghost flood control projects ti DPWH, bayat a naduktalanna pay dagiti dadakkel a problema iti uneg ti terminona.
