LAOAG CITY – Natay ti uppat nga indibidual kalpasan ti nalawa a layos a gubuay ti Typhoon Maysak idiay China.
Umabot met iti 62 ribo nga indibidual ti naibakwit iti abagatan ti ciudad ti Nanning.
Gapu iti daytoy, naikabil iti kangatoan a level ti emergency flood iti nasao a pagilian.
Mainaig iti daytoy, gapu iti kapigsa ti danom ket nadadael ti pader ti reservoir nga ad-adda a nangpakaro iti layos.
Dagus a nagpanawagan ni Chinese President Xi Jinping para iti “all-out efforts” tapno maisalakan dagiti tattao a naapektaran ti layos.
Nagballaag met dagiti otoridad a ti mapaspasaran a napigsa a tudo iti kadakkelan a paset ti China ket agtultuloy kadagiti sumarsaruno nga aldaw.
