LAOAG CITY – Nagballaag ni Impeachment Trial Presiding Officer Francis “Chiz” Escudero iti depensa ken prosekusyon a saan nga ipalubos ti aniaman a “federations” manipod iti aniaman a partido, agbalin a sungbat daytoy wenno saludsud ti maysa a senator-judge.
Inpetteng ni Escudero a gagem daytoy a maikkan ti gundaway dagiti testigo nga ipresentar ti ebidensya da, imbes a mangipaay dagiti counsel kadagiti rakurak mainaig iti kinapudno ken linteg.
Inaramid daytoy ni Escudero kalpasan a nagpila ti mosyon ni Senator-Judge Pia Cayetano iti maikadwa nga aldaw ti trial a pugasen ti rekord ti nagbalin a sungbat ni prosecution counsel Atty. Amando Ligutan iti saludsud ni Senator-Judge Risa Hontiveros, nga inyarig na iti maysa a “closing statement.
Immuna a sinaludsud ni Hontiveros no kasanu a nagbalin nga impeachable offense ti nakuna ni Vice Presidente Sara Duterte iti video a nangala ti assassin tapno patayenin da Presidente Ferdinand Marcos Jr., First Lady Liza Araneta-Marcos ken dati nga Speaker Martin Romualdez.
Nupay kasta, inlawlawag met laeng ni Hontiveros a kayat na laeng a malawlawagan no kasanu nga inkategorya ti prosekusyon dagiti rakurak ti bise presidente.
Inlawlawag met ni Escudero nga awanen ti serbina no pugasen pay ti nagbalin a rakurak ti prosekusyon gapu ta nabuyan daytoy ti publiko isut gapuna a nagdesisoyn ti Presiding Officer nga ikkan ti kapada a gundaway ti depensa a mangipaay ti statement na kalpasan ti isaysayangkat a cross examination iti umuna a testigo a ni National Bureau of Investigation (NBI) senior agent John Mark Calilung.
