LAOAG CITY – Agpakondision pay laeng ni Alex Eala sakbay a sumabak iti hard court season.
Tallo a lawas nga aginana ti agtawen ti 21 a ni Eala kalpasan ti naiget a kampania daytoy iti grass season.
Naudi a nakita iti ay-ayam ni Eala iti Wimbledon Championships idiay London, England no sadinno a nakastrek iti fourth round.
Nupay kasta, napaay ni Eala nga immabante iti risiris nga score a 4-6, 6-4, 3-6 a pannakaabak kontra ken ni 2024 Wimbledon runner-up Jasmine Paolini ti Italy.
Immunan nga inabak ni Eala ni reigning Wimbledon champion Iga Swiatek iti third round.
Inabak pay ni Eala da Renata Zarazua ti Mexico iti opening round ken Maya Joint ti Australia iti second round.
Gundawayan ni Eala ti napateg a panawen tapno makarekobre ti bagina.
Sumaruno a sumabak ni Eala iti Mubadala DC Open iti Washington DC a maisayangkat inton Hulio 27 agingga inton Agosto 2 tapno rugian ti hard court season.
Ti Mubadala DC Open ket maysa a WTA 500 event no sadinno a kumpirmado ti pannakipaset da Iva Jovic, Elina Svitolina, Marta Kostyuk ken Naomi Osaka.
