LAOAG CITY – Binisita ni Senador Robin Padilla ita nga aldaw ti huwebes ni Senador Rodante Marcoleta iti Philippine National Police General Hospital.
Agdama a dumaldalan ni Marcoleta kadagiti laboratory test iti nasao nga ospital tapno maamoan no naurnus ti pisikal abagina sakbay a naan-anay a maiyakar iti maysa a pasilidad ti pagbaludan.
Dimteng ni Padilla pasado alas-dos ti malem, ken mapalubusan laeng dagiti bisita iti ospital ti PNP agingga iti alas-tres nti malem.
Kabayatanna, rimuar iti kaudian a laboratory test ni Marcoleta a nangato ti lebel ti bad cholesterol na.
Segun kenni Police Lieutenant Colonel Benaly Bayani, Internal Medicine Department chief ti ospital, kasayaatan no mailasin ni Marcoleta manipod kadagiti dadduma a pasyente gapu ta maag-agasan pay daytoy manipod iti mild pneumonia.
Inrakurak ni Bayani amaiyur-uray paylaeng ti resulta ti 2D echo test ni Marcoleta a mangipakita iti kondisyon ti puso na.
Malaksid iti mild pneumonia, na-diagnose pay ti senador nga adda ti problema iti cervical spine na.
Sumangsango ni Marcoleta iti kaso a plunder nga agbalor iti P75 milyon gapu iti maipagarop a saanna nga indeklarar dagiti donasyon iti kampanya na idi 2025 elections.
