LAOAG CITY – Naiget a naglikudan ti Department of Foreign Affairs ti rakurak ti maipagarup a Chinese scholars a kukua ti China ti Batanes iti babaen ti Taiwan.
Inpaganetget ti Department of Foreign Affairs a nabayagen a nalawag ti soberania ti Pilipinas iti nasao a probinsia.
Segun ken ni Foreign Affairs spokesperson Analyn Ratonel, Philippine-approved consular district ti Chinese Consulate General iti Laoag mismo ket karaman ti probinsia ti Batanes.
Mainaig iti daytoy, inrakurak dagiti Chinese scholar manipud iti nagduduma nga unibersidad idiay China a maipagarup nga “unanimously” a nangibaga a “Batan Islands constitute a natural geographical extension of Taiwan, with sovereignty belonging to China.”
Kas sungbat, inawagan ni Department of National Defense Secretary Gilberto Teodoro Jr. iti rakurak kas ““disinformation” ken “outlandish narratives.”
