LAOAG CITY – Lineppas ni Atty. Amando Virgil Ligutan ti panagululimekna kalpasan ti pannaka-red tagna.
daytoy ket kalpasan a rimuar kadagiti online post a karaman daytoy iti National Union of People’s Lawyers (NUPL).
Mainaig iti daytoy, inbatad ni Ligutan a dagiti nadakamat nga alegasion kenkuana ket awan kinagpaysuananna.
Ni Ligutan ket maysa kadagiti private lawyers a mangibagbagi ti prosecution panel ti House of Representatives iti impeachment trial ni Vice President Sara Duterte.
Inpetteng ti abogado a gapu iti trabahona iti impeachment trial ti rason no apay a rimuar ti nasao nga alegasion kenkuana no sadinno ket nakigtot daytoy idi naamoanna ti nadakamat nga alegasion ken inpanagetgetna a saan daytoy a nagbalin a miembro ti National Union of People’s Lawyers (NUPL).
Immunan iti daytoy, inrakurak ni dati nga opisial ti gobierno a ni Lorraine Badoy iti social media a ni Ligutan ket adda pakainaiganna kadagiti terrorist group.
