LAOAG CITY – Inrakurak ni Mamamayang Liberal Party-list Rep. Leila de Lima nga ad-adda pay a mapapigsa ti sumaruno a testigo ti prosekusion dagiti ebidensia mainaig iti maipagarup a grave threats ni Vice President Sara Duterte.

Inbatad ni De Lima a ni National Bureau of Investigation Regional Director Jeremy Lotoc ti sumaruno a sumango kas testigo kalpasan ni National Bureau of Investigation Senior Agent John Mark Calilung.

Kunana nga ilawlawag ni Lotoc no kasano a tiningiting ti National Bureau of Investigation dagiti video ken ebidensia ken no apay nga inrekomendarda iti Department of Justice (DOJ) ti kaso no sadinno a suportaranda ken ad-adda a papigsaen ti testimonia ni Lotoc dagiti rakurak ni Calilung.

Inpetteng ni De Lima a ti umuna a lawas ti impeachment trial ket nagserbi a pundasion ti kaso a dagiti akusasion ket addaan dagiti ebidensia ken dimmalan iti cross-examination.

RELATED ARTICLESMORE FROM AUTHOR