LAOAG CITY – Nangiwayat ti insigida nga imbestigasion ti Philippine National Police (PNP) Pasuquin mainaig iti maipagarup a panagkakabil ti sumagmamano nga estudyante a napasamak iti Ilocos Norte Agricultural College (INAC) iti ili ti Pasuquin.
Inpakaammo n P/Maj. Sheryll Guzman, nga insigida ti panagturongda iti nasao a pagadalan.
Ti napasamak a komosion ket pakairamanan ti dua nga estudyante nga agpada nga agtawen ti 18, ken residente dagitoy iti Barangay Carusikis ken Barangay Poblacion 1 iti isu met laeng nga ili.
Inbatad ni Guzman a nangiwayat da ti panagtataripnong nga inatendaran ti School Principal a ni Mr. Almer Ratuita, School Parent-Teacher Association President, miembro ti Guidance Office, Municipal Social Welfare and Development representatives, ken School Supreme Secondary Learner Government President tapno maipaayan ti umno a pannusa dagiti estudiante kas nailanad iti nakailanad iti Learners’ Student Discipline Guidelines.
Basar ti imbestigasion, kuna ni Guzman a maysa nga estudiante ti nakangngeg iti padana nga agad-adal a kalikagum na ti makikabil kadaytoy isut gapuna a kinomprontar na daytoy iti pasado alas-4 ti malem idi Lunes, Hulio 6 ket ditoyen a napasamak ti komosion.
Segun ken ni Guzman, dagitoy nga estudiante ket masuspenso ti tallo nga aldaw ken 6 nga oras a panag-community service.
Innayon ni Guzman a naiget da a kondenaren iti napasamak gapu ta daytoy ket saan nga umno nga aramid para kadagiti agad-adal.
Immuna iti daytoy, iti pannakisarita ti Bombo Radyo Laoag ken ni School Principal Mr. Almer Ratuita ket ipasigurado na a solbaren da ti pasamak gapu ta saanda a kayat a maulit daytoy.
