LAOAG CITY – Umaboten iti pakabuklan a 4,490 ti opisial a bilang dagiti natay iti timmama a nagsaruno a gingined idiay Venezuela idi Hunio 24.
Ngimmato ti bilang idi Domingo ti 150 maidasig idi Sabado idinto nga adda iti sumurok 16,000 met ti nasugatan.
Inrakurak ti Venezuelan government a sumurok 19,500 nga indibidual ti temporario nga agtaltalinaed kadagiti camp kalpasan ti nakaro a pannakadadael nga inbati ti napigsa a gingined.
Kuna ni National Assembly President Jorge Rodriguez, kabsat ni interim leader Delcy Rodriguez a rinugianen ti gobierno ti panangipaay dagiti apartment kadagiti pamilia a napukawan ti pagtaengan kadagiti sumaruno a lawas.
Kinumpirmaran met ni Foreign Minister Yvan Gil a simmangpeten iti pagilian ti aid shipment manipud idiay Russia idinto a nangipatulod ti embahada ti Amerika ti 100,000 aid kits kadagiti naapektaran a komunidad.
