LAOAG CITY – Pormalen a linukatan iti Philippine General Hospital (PGH) ti kaunaan a charity Bone Marrow Transplant Unit iti pagilian tapno maikkan ti pannakataming dagitiubbing nga addaan ti kanser.
Ti pasilidad ket gapu iti panagtitinnulong ti I Want To Share Foundation (IWTS) ken Philippine General Hospital (PGH).
Inatendaran met daytoy ni First Lady Liza Araneta-Marcos, kadwana dagiti opisial ti Philippine General Hospital (PGH) ken University of the Philippines Manila, dagiti healthcare worker, donor, ken dagiti ubbing a pasyente ken iti pamilyada.
Masarakan ti pasilidad iti Right Central Block ti Philippine General Hospital (PGH) ken agserbi kadagiti ubbing nga addaan ti leukemia ken nagduduma pay a nakaro a sakit iti dara, no sadinno a ti bone marrow transplant ti maysa kadagiti epektibo ngem nangina a pannakaagas.
