LAOAG CITY – Ngimmato iti 7 idi bulan ti Hunio ita a tawen manipud iti 17 idi Marso ti net satisfaction rating ni Presidente Ferdinand Marcos Jr., ngem agtaltalinaed daytoy a nababa nga antas.
Basar iti non-commissioned survey, 46 a porsiento dagiti nataengan ti maragsakan iti trabaho nga ipakpakita ni Marcos, 39 a porsiento met ti saan a maragsakan ken idinto a 15 a porsiento met ti undecided. No sadinno ket segun iti Social Weather Stations (SWS) neutral ti nagbalin a satisfaction report ti Presidente.
Mainaig iti daytoy, ngimmato ti rating ni Marcos iti amin a lugar. Kangatoan iti Balance Luzon nga adda ti “moderate” +11, sinaruno ti Visayas nga addaan ti “neutral” -3, Metro Manila nga addaan ti “poor” ratingsna -24 ken ti Mindanao a nangted met ti “bad” -35.
Manipud idi bulan ti Marso, ngimmato ti siam a puntos ti ratings ti Presidente manipud +2 iti Balance Luzon, 12 a puntos manipud -15 iti Visayas , pito a puntos manipud iti -31 iti Metro Manila ken lima a puntos manipud iti -40 iti Mindanao.
Kabayatanna, naiwayat ti Second Quarter 2026 SWS Survey manipud Hunio 20 agingga 29 babaen ti face-to-face interviews iti 1,200 a nataengan iti pagilian no sadinno ket sag-300 a respondents ti na-interview iti Metro Manila, Balance Luzon, Visayas ken Mindanao.
Addaan ti sampling error margin ti nadakamat a survey ti +3 percentage points para iti sinunuo a resulta ken +6 percentage points met para iti kada geographic area.
