LAOAG CITY – Nakaaramid ti pakasaritaan ti naidumduma a French cuisine a tinapay a croissant no sadinno a dati ket saan a mapanpansin daytoy,
Nag-standout daytoy iti maysa a panaderya iti Thailand gapu iti naidumduma gapu ta arigna ket nagbalin a ‘hairy croissants’.
Inburay ni Arthit Chomsawat, akin kukua ti sikat a Saiwan Bake House iti Pattaya, a daytoy a hairy croissant ket manipud iti inspired a hairy cake-da. Insigida a nag-viral daytoy iti nagduduma a pagilian gapu ti pannakaitampokna ti French media outlet a Prisme.
Daytoy ket nakaiparabaw iti fat choy wenno nangisit a seaweed nga arigna ket kaasping ti buok wenno pubic hair. Iti sabali pay a bangir, naragsakan met dagiti dadduma iti anagwna gapu ta naidumduma ken orihinal ti croissant-da.
Iti baet ti panag-viral-na, alisto ti pannaka-sold out na ti croissant ken magustoan dagiti turista iti gumatang kadaytoy.
