LAOAG CITY – Nangiyuswat ti Metropolitan Manila Development Authority (MMDA) ken ti Department of Information and Communications Technology (DICT) ti No Contact Apprehension Policy (NCAP) online violation ken payment system iti uneg ti eGovPH app.
Babaen iti daytoy, nalaklaka a maakses ken maamoan dagiti drivers dagiti panaglabsingda bayat iti panagmanehoda ken mabalin da pay a bayadan dagiti multada babaen ti eGovPH app.
Daytoy nga addang ket indiaya ti Metropolitan Manila Development Authority (MMDA) ken Department of Information ken Communications Technology (DICT) tapno nalaklaka a maberipika dagiti motorista ti rekordda ken maakses dagiti serbisio aniaman nga oras ken saddino man a lugar.
Mainaig iti daytoy, impasigurado dagiti dua ga ahensia a dagiti transaksion iti uneg ti app ket safe gapo iti sursurutenda a cebersecurity monitoring ken encrypted data transmission.
