LAOAG CITY – Nagpalagip ti Senate impeachment court a mabalin daytoy a mangipila ti contempt iti siasinno man nga aglabsing kadagiti pagannurotan daytoy.
Segun ken ni Impeachment court spokesperson Atty. Reginald Tongol nga adda ti turay ti senator-judges tapno kiddawen iti presiding officer nga i-cite in contempt ti siasinno man a makipagpartisipar pakairamanan dagiti testigo, counsel weenno indibidual nga adda iti uneg ti korte a mangar-aramat ti saan a nasayaat a makaapektar iti taray ti panangusig.
Mabalin nga agresulta daytoy iti pannakaibalod, multa, wenno pannakapatalaw iti Senado.
Nupay kasta, inbatad ni Atty. Tongol a masapul a rugian wenno ipila pay laeng daytoy iti maysa a senator-judge sakbay nga aramiden daytoy iti korte gapu ta passive iti korte iti kastoy a saritaan.
Iti agdama, adda pay ti nabati a 86 nga aldaw iti impeachment trial proceedings ni Vice President Sara Duterte.
