LAOAG CITY – Kinumpirmaran ti United States Department of State a bumisita iti Pilipinas ni US Secretary of State Marco Rubio manipud Hulio 19 agingga 23 tapno umatendar iti panagtalantan ti Association of Southeast Asian Nations (ASEAN).
Segun iti State Department, gagem ti panagbisita a papigsaen ti relasion ti US ken ASEAN, kasta payen ti komprehensibo a panagkinnammayet ti Amerika iti Pilipinas.
Atendaran ni Rubio ti SEAN Post-Ministerial Conference, East Asia Summit Foreign Ministers’ Meeting, ken ASEAN Regional Forum Foreign Ministers’ Meeting.
Makitaripnong pay daytoy kadagiti nangato nga opisial manipud kadagiti pagilian nga adda iti Indo-Pacific.
Ni Rubio ket karaman kadagiti foreign minister nga agatendar kadagiti ministerial meeting nga i-host ti Pilipinas kas agdama a mangidaulo ti ASEAN.
