LAOAG CITY – Nagballaag ti Iran ti “full-scale offensive” no agtultuloy pay laeng ti military strikes ti Estados Unidos.
Ti nadakamat a panagballaag ket inbatad ni Mohsen Rezaei, top Islamic Revolutionary Guard Corps (IRGC) official ken military adviser ni Supreme Leader Mojtaba Khamanei.
Iti maysa a pagwarnakan ti state-owned media, inbatad ti military adviser a no agtultuloy dagiti panagatake ti Amerika ti dua wenno tallo pay nga aldaw ket segun kenkuana, iwayatda ti full-scale offensive operations.
Ti nadakamat a rakurak ket kalpasan a makumpleto ti US ti maika-pito nga agsasaruno nga aldaw a panagatake iti Iran.
Malaksid iti daytoy, pinangtaan pay ti Iranian military leader nga awan ti political border ti makalasat no summubbotda.
Innayonna pay a masapol nga agbayad ti US kadagiti panagatakeda kadagiti civilian infrastructure.
