LAOAG CITY – Naisayangkat ti Anti-Bullying ken Safety Tips Information Drive kadagiti pupils ken kasta payen dagiti nagannak iti Camandingan Elementary School iti siudad ti Batac.
Daytoy ket insayangkat ti Philippine National Police (PNP) Batac iti panangidaulo ni Pol.Lt.Col Jerome Wangkey.
Gagem ti aktibidad ti adadda pay a pannakaimpormar dagiti agad-adal pakairamanan dagiti nagannak maipanggep iti bullying ken ti agbalin nga epektona daytoy.
Kuna ni Wangkey a gagem da ti panangipaulo kadagiti ubbing ti importansi ti panangipateg ti pada nga indibiual ken saan a ti pananggundaway.
