LAOAG CITY –Mangrugin ti inisial nga imbestigasion ti Office of the Ombudsman kontra ken ni dati nga House Speaker Martin Romualdez, dati nga Ako Bicol Party-list Rep. Zaldy Co, ken nagduduma pay a personalidad.
Segun ken ni Assistant Ombudsman Mico Clavano, daytoy ket para iti Plunder ken panaglabsing iti Anti-Money Laundering Act.
Gagem daytoy a masigurado a natibker ti maala nga ebidensia tapno mapadur-as iti formal inquiry no maiyuli iti korte ti kaso.
Iti babaen daytoy, maikkanda ti gundaway nga ilawlawag ti bagbagida ken sungbatan dagiti alegasion.
Kuna ni Clavano, a rimuar iti imbestigasionda a ni Romualdez ti central figure iti sistema a nabukel iti panangiyakar ti pondo para iti flood control projects bayat a respondent-na met ni Co a dati a chairman ti House Committee and Appropriations.
Nausar pay ditoy dagiti insapata dagiti sumagmamano a tao ni Co a maipagarup a personal a nangipatulod ti kwarta ken ni Romualdez.
