LAOAG CITY – Inlawlawag dagiti eksperto a ti panagngato ti temperatura iti rabii ket isu ti maysa a rason ti panagsakit dagiti million nga indibidual no sadinno a maapektaran ti turogda.
Daytoy ket resulta ti maysa a panagsukisok nga inwayat ti Climate Central a rumrumuar a ti average person ket nakapukawen ti sumurok 50 nga oras ti panaurog iti baet ti tawen 2020 ken 2025 gapu iti panagngato ti temperature iti rabii.
Ti kinakurang ti turog ket mangitunda ti nakapuy nga immunity, nabayag a panaglaing ti sakit, mangpababa ti productivity, ken mangpakapuy ti cognitive function, ken kasta payen ti premature death.
Segun ken ni Jefferson Chua, campaigner ti Greenpeace Philippines, a daytoy a resulta ket makitan kadagiti probinsia.
Kunana a nakaro a maapektaran ti maysa nga indibidual saan laeng a i pagilian.
