LAOAG CITY – Naarestar ti 5 nga indibidual gapu iti panagsugalda iti maysa a minatayan iti Barangay Barbaqueso iti ili ti Carasi.
Basar iti Philippine National Police (PNP) Carasi, natiliw dagiti 5 nga indibidual nga agpapada a residente iti nasao a barangay kalpasan a naaktuaran nga agay-ayamda ti Lucky 9.
Nakumpiskar dagiti otoridad ti 56 a pedaso ti playing cards, 1 a Php50.00, 1 a light green long table, ken 5 a monobloc chairs.
Iti agdama, dagiti 5 nga indibidual ket naipadalan iti medical examination iti Piddig District Hospital ken addan iti kustodiar ti Carasi Plice Station para iti manamnama a pannakaipila ti kaso.
