LAOAG CITY – Umabot iti 12 ribo a tattao ti naibakwit manipod iti south-west ti France gapu iti wildfires iti Gironde region, ken manamnama nga adda pay ti 8,800 a sabsabali dagiti sumaruno a maibakwit.
Basar iti report, umabot metten iti 2,400 hectares wenno 5,900 acres ti kalawa ti nadadael gapu iti wildfires iti Bay of Arcachon.
Naamoan a kaadoan kadagiti naibakwit ket dagiti bisita a napan nag-camping iti Lège-Cap-Ferret peninsula.
Awan met dagiti nairekord a nasugatan wenno nadangran iti insidente.
Maipalagip nga immunan a napasamak ti wildfires iti Spain ken Italy kadagiti naglabas nga aldaw.
