LAOAG CITY – Inlawlawag ni Sangguniang Panlalawigan Member Hanson Chua a saan a mabalin a maipatungpal ti One Price Policy ti presio kadagiti produkto a petrolyo.
Segun kenkuana, saan a mabalin nga agaramid wenno mangputar ti aniaman nga ordinansa a kontra kadagiti maipatpatungpal a linteg iti nasional.
Nupay kasta, inpasingkedna nga ar-aramiden ti amin a kabaelan dagiti kameng ti hunta probinsial tapno maalay-ayan ti kinangina ti presio dagiti produkto a petrolyo.
Inpettengna nga ad-adalen ti konseho dagiti mabalin a pagalagadan para iti ad-adda pay nga epektibo a pannakaipatungpal iti daytoy.
Innayonna a saan a mabalin a kontrolen ti presio dagiti produkto a petrolyo.
