LAOAG CITY – Nagbakwit ti sumurok 200,000 nga indibidual kalpasan ti nalawa a wildfire iti abagatan a laud a paset ti France ken immabot iti sumagmamano a paset idiay Espanya.
Segun kadagiti otoridad, ti France, sumurok 141,000 a residente ken turista ti nagbakwit manipud kadagiti rehion ti Gironde ken Landes.
Mainaig iti daytoy, nagresponde dagiti ginasut a bumbero, water-bombing planes ken dagiti kameng ti militar tapno suportaran ti operasion a panangsebseb iti uram.
Gapu iti daytoy, nagkiddaw ti tulong ti France iti European Union para iti kanayunan a pwersa bayat ti agtultuloy a panangbantayda iti rehiyon tapno maliklikan ti panagwaras ti uram.
