LAOAG CITY – Nagpannawagan ni Presidente Ferdinand Marcos Jr. nga ikkaten ti system loss charge a maipabpabaklay kadagiti konsyumer, gapu ta kunana a saan a masapul a maipabaklay kadagiti umili ti gastos manipud iti kinakurang iti sytem distribution ti kuryente.
Daytoy ket kageddan iti State of the Nation Address wenno SONA iti Presidente.
Ti system loss ket ti diperensia iti nagbaetan ti kuryente a maiserserrek iti distribution system no sadinno a ti aktual a makonsumo ken masingir ket manipud kadagiti konsyumer. Mabalin a daytoy ket gapu ti technical inefficiencies ken panagtakaw ti kuryente.
