LAOAG CITY – Nakapokus ti World Health Organization (WHO) kadagiti wagas nga aramid para iti Human Immunodeficiency Virus (HIV) ken dagiti daduma pay a sakit.
Daytoy ket kalpasan ti maika-uppat ng aldaw ti 26th International AIDS Conference (AIDS 2026) idiay Rio de Janeiro.
Mainaig iti daytoy, dagiti nagbalin nga agenda ket ti panagaramid dagiti polisia ti salun-at, norms ken standards, panangsuportar dagiti pagilian kadagiti evidence-based self-care interventions ken ti panagaksesda kadagiti impormasion ti nagduduma a sakit.
Gapu iti daytoy, inpetteng ti nasao nga ahensia ken dagiti partner agencies-na a babaen ti nasao a conference ket maamoan dagiti agdama nga health evidences, innovations, ken dagiti padas ti nagduduma a pagilian no kasano a ti umno a panangprotehar ti bagi ket solusion iti HIV, TB, viral hepatitis, STIs ken mental health.
