LAOAG CITY – Nakanselar ti naka-schedule a maika-10 nga anibersario a fan concert ti Kpop Group a Momoland idiay Manila a manamnama a maiyuswat inton Agosto.
Ti Momoland ket maysa a nalatak a KPop Girl Group no sadinno nagbalinda a viral gapu iti hit song-da idi “Bboom Bboom”, “Baam” ken dadduma pay.
Inanunsio ti event organizer a Three Angels Production a saan a matuloy ti Momoland 10th Anniversary FAN-CON “Very Merry Party” iti Manila a naka-schedule inton Agosto 8 gapu iti saan a mapakpakadaan a mapasamak.
Kuna dagiti organizer a mai-refund dagiti amin a nagatang a ticket babaen iti Megatix Asia ken mangipaayda ti instruction ken schedule ti refund kadagiti ticket holder babaen iti email eddress.
Kabayatanna, dumawdawat ti pannakaawat ti Three Angels Production kadagiti fans.
