LAOAG CITY – Naglikudan ti Palasyo nga adda ti special treatment ken ni dati a Senador Bong Revilla Jr. iti panangipalubos ti korte a makapiyansa.
Naglikudan pay ti Malacañang nga adda ti espesyal a panangtratar ken ni Revilla kalpasan a pinalubosan daytoy a makapiyansa iti sangsangoenna a kaso a malversation.
Daytoy ket kagiddan ti panagdanag ti sumagmamano a grupo a mabalin a makaapektar iti kampania kontra iti korapsion ti administrasion ti desision ti Sandiganbayan.
Inbatad ni Palace Press Officer Undersecretary Claire Castro awan ti pakainaigan ni Presidente Ferdinand Marcos Jr. iti nagbalin a desision ti Sandiganbayan gapu ta agsina ti bileg ti hudikatura iti ehekutibo.
Inpettengna a no adda ti special treatment ken ni Revilla kas kaalyado ti Presidente ket saan koma daytoy a nagbalin nga umuna a personalidad a kinasoan mainaig iti maanomalya a flood control projects.
Inlawlawag ti Palasyo a saan pay a nalpas ti kaso ni Revilla gapu ta piyansa laeng ti inpalubos ti korte kabayatan nga agtultuloy ti panangtingiting iti dati a Senador.
