LAOAG CITY – Naaddaan ti katulagan ti Iran iti Oman para iti nakappia a panagdalyasat dagiti barko iti Strait of Hormus.
Daytoy ket kinumpirmaran ni Foreign ministry spokesman Esmaeil Baqaei ngem saan daytoy a nangipaay ti naan-anay a detalye.
Inbatadna nga addan iti “final stages” ti nadakamat a katulagan.
Nagpakdaar pay daytoy a ti katulagan iti Oman ket saan a maipasigurado a natalged ti panagdalyasat iti babaen ti strait.
Inpettengna a maapektaran latta ti seguridad gapu iti panaglapped ti Estados Unidos kadagiti pantalan ti Iran.
Mainaig iti daytoy, nilappedan ti Iran ti dakkel a paset ti Strait of Hormus manipud idi nangiparuk-at ti panagatake ti Estados Unidos ken Israel iti Iran idi Pebrero no sadinno adu nga oil ken liquefied natural gas ti masansan a dumaldalyasat iti lugar.
Immuna iti daytoy, nagpangta ni United States President Donald Trump iti Iran a makapasar ti nakaro a panagatake no saanna nga insigida a lukatan ti Strait of Hormuz.
