LAOAG CITY – Inrakurak ti Commission on Elections (Comelec) nga awan kadakuada ti desision no matuloy wenno saan ti Barangay ken Sangguniang Kabataan Elections (BSKE) inton Nobiembre.
Daytoy ket kalpasan nga inpasa ti Kamara de Representantes ti gakat a gagem nga itantan ti Barangay ken Sangguniang Kabataan Elections inton Nobiembre 2028 nga imbes ita a tawen.
Inbatad ni Commission on Elections Chairman George Erwin Garcia nga awan kadakuada ti desision no diket iti Kongreso ken Ehekutibo.
Iti baet daytoy, agtultuloy ti panagsagsagana ti poll body para iti eleksion no sadinno nga immunan nga inrakurak ni Garcia a kiddawenda ken ni Presidente Ferdinand R. Marcos Jr. nga ideklarar nga holiday ti Nobiembre 2 tapno adu ti makaawid ken makabutos.
Naudi a naisayangkat ti Barangay ken Sangguniang Kabataan Elections idi pay Oktubre 2023.
