LAOAG CITY – Ginutigot ti Malacañang ti publiko a tumulong iti panagbantay ti agtultuloy a panangipaay ti Local Government Support Fund (LGSF) assistance nga idadauloan ni Presidente Ferdinand R. Marcos Jr.
Inbatad ni Palace Press Officer Undersecretary Claire Castro nga insigida nga ipakaammo iti lokal a gobiernoda ti aniaman nga iregularidad iti panangipaay ti ayuda nangruna iti libre a 10 kilo a bagas.
Karaman ditoy ti reklamo a kurang iti naikeddeng a 10 kilo ti bagas a naaawat ti sumagmamano a kualipikado a benepisiario.
Gapu iti daytoy, inpasingked ni Castro a saan a kanunungan ti gobierno ti aniaman a panaggundaway iti programa.
Innayonna nga insigida a sitaenda ken pagsungbaten ti asinoman a mapaneknekan nga aglablabsing iti umno a panangipaay ti ayuda.
