LAOAG CITY – Nasugatan ti lima nga indibidual gapu iti iduduprak ti Bagyo Dolphin iti southern island idiay Okinawa, Japan.
Gapu iti nasao a bagyo, napukawan pay ti suplay ti kuryente ti mapatta-patta a 14,000 a pasdek ken ti adu a flight ti nakanselar gapu iti bagyo no sadinno pakairamanan pay ti China ken Taiwan.
Naammoan a ti nasao a bagyo ket agturong idiay China.
Kabayatanna, basar iti Japan Meteorological Agency a 162 kilometro iti kada oras ti kinapigsa ti angin ti bagyo agingga 216 kilometro iti kada oras.
