LAOAG CITY – Nairaman kadagiti priority measures ti administrasion ni Marcos ti dua a rakurak a gakat ni Senador Francis “Kiko” Pangilinan a nakasentro iit pananakaipapigsa ti suporta kadagiti mannalon ken mangngalap.
Karaman ti priority measures ti Senate Bill No. 1991 wenno ti Agricultural and Fisheries Extension Services Act ken ti Senate Bill No. 1990 wenno ti Agricultural Cooperatives Act, nga agpada a mairaman kadagiti priority bills ti Legislative-Executive Development Advisory Council wenno ti LEDAC.
Segun ken ni Pangilinan, masapol ti insigida a pannakaaprubar dagiti dua a rakurak a gakat tapno maikkan dagiti mannalon ken mangngalap ti natibtibker nga institutional support, akses iti teknolohia baro a sursuro ken nataltalged a sistema ti kooperatiba.
Iti salinong ti Senate Bill 1991, makabukel daytoy ti napigpigsa a national extension system tapno makaipaay ti technical assistance, research-based technologies, climate-smart farming practices ken agtul-tuloy a capacity-building kadagiti mannalon ken mangngalap.
Kabayatanna, kalikagum met ti Senate Bill No. 1990 ti pannakaisubli ti Bureau of Agriculture Cooperatives ken papigsaen dagiti agricultural cooperative.
